United States-ல், காதலர்கள் ஒருவர் விமானப் பயணத்தின் நடுவே திருமணம் செய்து கொண்ட சம்பவம் சமூக ஊடகங்களில் பரபரப்பாக பேசப்படுகிறது. Southwest Airlines நிறுவனத்துக்குச் சொந்தமான விமானம் ஒன்றில் பயணம் செய்தபடியே அவர்கள் மணமுடிக்க முடிவு செய்துள்ளனர்.
விமானத்தின் முன்புறத்தில் மணமகன் காத்திருக்க, திருமண இசை ஒலிக்க மணமகள் விமானத்தின் பின்புறத்திலிருந்து மெதுவாக நடந்து வந்தார். சக பயணிகள் உற்சாகமாக கைதட்ட, இருவரும் தங்கள் திருமண வாக்குறுதிகளை பரிமாறிக் கொண்டனர்.
விமான பணிப்பெண் ஒருவர், விமானத்தின் ஒலிபெருக்கி அமைப்பின் மூலம் இந்த திருமண நிகழ்வை நடத்தி வைத்தார். இந்த விசித்திரமான திருமண சம்பவம் The New York Times நாளிதழில் செய்தியாக வெளியானது.
திருமணம் தடையின்றி நடைபெறுவதற்காக, பயணிகள் தங்கள் இருக்கைகளில் அமர்ந்திருக்குமாறும் அறிவிக்கப்பட்டது. மேலும், கழிப்பறையைப் பயன்படுத்த வேண்டியவர்கள் விமானத்தின் பின்புறத்தில் உள்ள கழிப்பறைகளையே பயன்படுத்துமாறும் கேட்டுக்கொள்ளப்பட்டது.
இந்த வேண்டுகோள் சிலருக்கு வேடிக்கையாகத் தோன்றினாலும், சில பயணிகள் அதனால் எரிச்சலடைந்ததாகக் கூறினர். திருமணம் விமானப் பயணத்தின் போது தேவையற்ற அசௌகரியத்தை ஏற்படுத்தியதாக அவர்கள் சமூக ஊடகங்களில் கருத்துகளைப் பகிர்ந்துள்ளனர்.
