ஞானசார தேரருக்கான கொழும்பு நோக்கிய யாத்திரையின் இரண்டாம் நாள் இன்று

சிறைத்தண்டனை விதிக்கப்பட்டுள்ள வணக்கத்துக்குரிய கலகொட அத்தே ஞானசார தேரருக்காகவும், பிக்குகளின் சமய உரிமைகளுக்காகவும் மகாசங்கத்தால் தொடங்கப்பட்ட பேரணி, இன்று (11) இரண்டாவது நாளாகத் தொடர்கிறது.

'அங்கிக்கான நீதி - தேசிய அர்ப்பண பூஜை மற்றும் விடுதலைப் பேரணி' நேற்று (10) காலை கண்டியில் உள்ள வரலாற்றுச் சிறப்புமிக்க ஸ்ரீ தலதா மாளிகையின் முன்பாகத் தொடங்கியது.

பேரணியின் முதல் நாள் கடுங்கன்னாவப் பகுதியில் நேற்று பிற்பகல் நிறைவடைந்த நிலையில், இன்று கடுங்கன்னாவவிலிருந்து தனது பயணத்தைத் தொடங்கத் திட்டமிடப்பட்டுள்ளது.

கேகாலை, வரக்கபொல, நிட்டம்புவ மற்றும் கடவத்த ஆகிய நகரங்கள் வழியாகச் செல்லும் இப்பேரணி, 15ஆம் திகதி கொழும்பை சென்றடையும் என வணக்கத்துக்குரிய உலப்பனே சுமங்கல தேரர் தெரிவித்தார்.