சிகிச்சைக்காக சிங்கப்பூர் சென்றுள்ள முன்னாள் ஜனாதிபதி மஹிந்த ராஜபக்ஷவின் மனைவி ஷிராந்தி ராஜபக்ஷ, அறிவிக்கப்பட்ட திகதியில் இலங்கை திரும்பவில்லை என ஸ்ரீலங்கா பொதுஜன பெரமுன வட்டாரங்கள் தெரிவிக்கின்றன.
அவர் கடந்த 19ஆம் திகதி நாடு திரும்புவார் என்று அவரது சட்டத்தரணி மனோஜ் கமகே முன்னதாகத் தெரிவித்திருந்த போதிலும், நேற்று நண்பகல் வரை அவர் நாடு திரும்பியிருக்கவில்லை.
எதிர்வரும் 24ஆம் திகதி நிதிக் குற்றப் புலனாய்வுப் பிரிவில் முன்னிலையாகி வாக்குமூலம் அளிக்குமாறு ஷிராந்தி ராஜபக்ஷவுக்கு அழைப்பு விடுக்கப்பட்டிருந்த பின்னணியிலேயே, அவர் சிங்கப்பூருக்குப் புறப்பட்டுச் சென்றார்.
இதேவேளை, கடந்த 16ஆம் திகதி அவருடன் சிங்கப்பூர் சென்ற பெண் உறவினர் ஒருவர் நேற்றுமுன்தினம் இரவு நாடு திரும்பியுள்ளார். எனினும், ஷிராந்தி ராஜபக்ஷ தற்போது சிங்கப்பூரில் தங்கியுள்ளாரா அல்லது வேறு இடத்திற்குச் சென்றுள்ளாரா என்பது தொடர்பான தகவல்களை வெளியிட அவரது குடும்பத்தினர் தயாராக இல்லை என்று சட்டத்தரணி மனோஜ் கமகே குறிப்பிட்டுள்ளார்.
(தலைமுறை)
Stay informed on all the latest news, real-time breaking news updates, and follow all the important headlines in sri lanka news and world news on Thalaimurai.
