இந்திய வம்சாவளியைச் சேர்ந்த நாசா விண்வெளி வீரர் அனில் மேனன், சர்வதேச விண்வெளி ஆய்வு நிலையத்தில் 8 மாதங்கள் தங்கியிருந்து பல்வேறு அறிவியல் ஆய்வுகளை மேற்கொள்வதற்காக, எதிர்வரும் ஜூலை 14-ம் தேதி விண்வெளிக்குச் செல்லவுள்ளார்.
அமெரிக்காவின் கஜகஸ்தானில் உள்ள பைகானூர் விண்வெளி நிலையத்திலிருந்து, 'சோயுஸ்' (Soyuz MS-29) விண்கலம் மூலம் அனில் மேனன் தனது பயணத்தைத் தொடங்குகிறார். இவருடன் ரஷ்ய விண்வெளி வீரர்கள் பியோத்தர் துப்ரோவ் (Pyotr Dubrov) மற்றும் அன்னா கிகினா (Anna Kikina) ஆகியோரும் இணைந்து பயணிக்கின்றனர். இக்குழுவினர் சர்வதேச விண்வெளி நிலையத்தில் சுமார் 8 மாதங்கள் தங்கியிருந்து, எதிர்கால நிலவு மற்றும் செவ்வாய் கிரகப் பயணங்களுக்குத் தேவையான முக்கிய அறிவியல் ஆய்வுகளை முன்னெடுப்பார்கள் என்று நாசா அறிவித்துள்ளது.
பின்னணி: அமெரிக்காவின் மின்னபோலிசில் பிறந்த அனில் மேனன், இந்திய மற்றும் உக்ரேனிய வம்சாவளியைச் சேர்ந்தவர்.
நிபுணத்துவம்: இவர் ஒரு அவசர சிகிச்சை நிபுணர் (Emergency Physician) மற்றும் அமெரிக்க விண்வெளிப் படையின் கர்னல் ஆவார்.
அனுபவம்: ஆப்கானிஸ்தான் போர்க்களம் மற்றும் எவரெஸ்ட் சிகர மீட்புப் பணி எனப் பல்வேறு சவாலான சூழல்களில் பணியாற்றிய அனுபவம் கொண்டவர். போலியோ தடுப்பூசி திட்டத்திற்காக இந்தியாவில் ஓராண்டு காலம் பணியாற்றியுள்ளார்.
குடும்பம்: இவரது மனைவி அன்னா மேனனும் விண்வெளி வீராங்கனை ஆவார். அவர் கடந்த 2024-ம் ஆண்டு விண்வெளிக்குச் சென்றிருந்தார் என்பது குறிப்பிடத்தக்கது.
இந்த விண்வெளி பயணத்தின் போது, விண்வெளியில் நீண்ட காலம் தங்கியிருப்பதால் மனித உடலில் ஏற்படும் மாற்றங்கள், இரத்த ஓட்டம், மற்றும் நரம்பு மண்டலம் குறித்த ஆய்வுகளை அவர் மேற்கொள்வார். மேலும், விண்வெளியில் இருந்தபடி செமி கண்டக்டர் படிகங்களை உருவாக்குதல், செயற்கை நுண்ணறிவு (AI) மூலம் மருத்துவ பரிசோதனைகளை மேற்கொள்ளுதல் உள்ளிட்ட நவீன தொழில்நுட்பங்களையும் அவர் அங்கு சோதனை செய்யவுள்ளார்.
(தலைமுறை)
Stay informed on all the latest news, real-time breaking news updates, and follow all the important headlines in sri lanka news and world news on Thalaimurai.
