அமெரிக்காவில் பெரும் சர்ச்சையை ஏற்படுத்திய எப்ஸ்டீன் வழக்கு தொடர்பான கோப்புகள், நீதிமன்ற உத்தரவின் பேரில் கட்டம் கட்டமாக வெளியிடப்பட்டு வருகின்றன. அந்த வரிசையில், அமெரிக்க நீதித்துறை சமீபத்தில் லட்சக்கணக்கான பக்கங்களைக் கொண்ட புதிய ஆவணங்களை பொதுமக்கள் பார்வைக்கு வெளியிட்டுள்ளது.
சிறுமிகள் மற்றும் இளம்பெண்களைக் கடத்தி, செல்வந்தர்களுக்கு விருந்தாக்கியதாக குற்றம் சாட்டப்பட்டு கைது செய்யப்பட்ட தொழிலதிபர் ஜெப்ரி எப்ஸ்டீன், சிறையிலேயே மரணமடைந்த நிலையில், அவருடன் தொடர்புடைய பல முக்கிய பிரமுகர்களின் பெயர்கள் இந்த ஆவணங்களில் இடம்பெற்றுள்ளன.
வெளியிடப்பட்ட ஆவணங்களில் அமெரிக்க அதிபர் டொனால்ட் டிரம்ப், தொழிலதிபர்கள் எலான் மஸ்க், பில் கேட்ஸ், பிரிட்டன் இளவரசர் இளவரசர் ஆண்ட்ரு, மேலும் நியூயார்க் மேயர் மம்தானியின் தாயும் பிரபல எழுத்தாளரும் திரைப்பட இயக்குநருமான மீரா நாயர் உள்ளிட்ட பலரது பெயர்கள் இடம்பெற்றுள்ளதாக தெரிவிக்கப்படுகிறது.
இந்த பின்னணியில், சுலோவாக்கியா நாட்டின் பிரதமர் ராபர்ட் பிகோவின் தனிச்செயலராகவும், முக்கிய ஆலோசகராகவும் செயல்பட்டு வந்த மிரோஸ்லவ் லஜக் சர்ச்சையில் சிக்கியுள்ளார். இவர் 2009 முதல் 2020 வரை சுலோவாக்கியாவின் வெளியுறவு அமைச்சராகவும் பதவி வகித்திருந்தவர்.
அமெரிக்கா வெளியிட்ட எப்ஸ்டீன் வழக்கு தொடர்பான ஆவணங்களில் லஜக்கின் பெயர் இடம்பெற்றதைத் தொடர்ந்து, அவர் பிரதமரின் தனிச்செயலர் பதவியை ராஜினாமா செய்துள்ளார். இந்த தகவல் தலைநகர் **பிரடிஸ்லவா**வில் அரசியல் வட்டாரங்களில் பெரும் பரபரப்பை ஏற்படுத்தியுள்ளது.
இந்த கோப்பு வெளியீடுகள் எதிர்காலத்தில் மேலும் பல அரசியல் மற்றும் சர்வதேச விளைவுகளை ஏற்படுத்தக்கூடும் என அரசியல் அவதானிகள் கருத்து தெரிவிக்கின்றனர்.
(தலைமுறை)
Stay informed on all the latest news, real-time breaking news updates, and follow all the important headlines in sri lanka news and world news on Thalaimurai.
