கட்டுநாயக்கவிலிருந்து சிங்கப்பூர் புறப்பட்டுச் சென்றார் ஷிரந்தி ராஜபக்ஷ

முன்னாள் முதல் பெண்மணி ஷிரந்தி ராஜபக்ஷ இன்று அதிகாலை கட்டுநாயக்க சர்வதேச விமான நிலையத்திலிருந்து சிங்கப்பூர் நோக்கிப் புறப்பட்டுச் சென்றுள்ளார்.

அவருடன் ரோஹித ராஜபக்ஷவின் மாமியாரான ஏன் டி லிவேராவும் பயணித்துள்ளார்.இவர்கள் இருவரும் இன்று அதிகாலை 1.10 மணியளவில் சிங்கப்பூர் எயார்லைன்ஸ் சேவைக்குச் சொந்தமான SQ-469 என்ற விமானம் மூலம் சிங்கப்பூர் நோக்கிப் பயணமாகியுள்ளனர்.  

இதேவேளை, நிதி குற்றப் புலனாய்வுப் பிரிவில் எதிர்வரும் செப்டம்பர் மாதம் 24ஆம் திகதி ஷிரந்தி ராஜபக்ஷ முன்னிலையாகவுள்ள நிலையில் இந்த வெளிநாட்டுப் பயணம் அமைந்துள்ளமை குறிப்பிடத்தக்கது.